Mir invitéieren iech, eis an d’Häerz vum Matgesfeld ze begleeden – an eisen Ëmwelt- a Bildungszenter, wou Kleng a Grouss d’Natur op eng lieweg an interaktiv Aart a Weis kenneléieren.
Ënnert de ville reegelméissegen Aktivitéiten, déi mir de Schoulklassen ubidden, ass et wichteg, de Kanner ze vermëttelen, datt et d’ganzt Joer iwwer Aarbecht dobausse gëtt. Tatsaach ass: Recoltë si bal dat ganzt Joer iwwer méiglech – dat erlaabt et, frësch oder veraarbechte Friichten a Geméis zu verschiddene Joreszäiten ze genéissen. An och wann een op den éischte Bléck mengt, et wier näischt ze dinn – et gëtt ëmmer néideg Aufgaben: D’Déiere musse gefiddert ginn, hir Stréi reegelméisseg gewiesselt ginn, an och ëm de Kompost – deen aus Gaart- an Déierenoffäll entsteet – muss sech gekëmmert ginn.
Am Matgesfeld ass eppes sécher: Et ass ëmmer eppes ze dinn. Mee d’Belounung fir all dësen Effort sinn déi lecker Geméis, Friichten an Eeër. An dësem Video weise mir iech d’Aktivitéiten, déi mat de Kanner vun der Fondation Kannerschlass an dem CPO Belval realiséiert goufen a wéi e schéint Beispill vun engem spillereschen an nohaltege Léierprozess an enker Verbindung mat der Natur ausgesi kann.
